Latest News

DEMANDA NA 2025 TA BAHANDO - E cantidad di camber a crece na 2025 cu apertura di 2 hotel di calidad halto, y aunque cu grado di ocupacion a baha un tiki na Maart por a logra un RevPAR mas halto. Mester nota si cu a cuminsa experiencia menos demanda pa resto di aña, relaciona cu e situacion geo-politico actual. Dos luna pasa hotelnan a proyecta cu pa aña 2025 lo tin ocupacion averahe di 81%. Un luna pasa e proyeccion a baha pa 78% y awor ela bolbe baha cu 2 punto pa 76%. Mitar di e hotelnan a raporta cu e cantidad di reservacion pa segundo mitad di aña a mengua compara cu aña pasa. Mientrastanto, na Maart e ocupacion averahe tabata 86% y e entrada averahe pa tur camber disponibel (RevPAR) tabata $397, cual ta 3% mas halto cu na 2024. Un RevPAR mas halto ta cubri gastonan cu a crece ultimo tempo y ta resultado di enfoke riba balor y servicio.